MEDIA | What's News

Meeting Management

នាព្រឹកថ្ងៃសៅរ៍ ១១រោច ខែបុស្ស ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៩ ខែមករា ឆ្នាំ២០២១ នេះ លោក កន វិចិត្រ អនុប្រធានគ្រប់គ្រងទូទៅ បានចូលរួមជាអធិបតីក្នុងការដឹកនាំកិច្ចប្រជុំផ្ទៃក្នុងស្ដីពី ១. ការបែងចែកការងារ រៀបចំផែនការយុទ្ឋសាស្រ្តការងារជាក់លាក់តាមនាយកដ្ឋាននីមួយៗ ២.ផែនការក្នុងការដោះស្រាយអតិថិជនចាស់ៗ និងផែនការរកអតិថិជនថ្មីៗសម្រាប់ឆ្នាំ២០២១ ៣.រៀបចំផែនការយុទ្ធសាស្ត្រថ្មីក្នុងការផ្សព្វផ្សាយ ផលិតផលសម្រាប់សាខាទាំងបីក្នុងការជ្រើសរើសតំបន់សំខាន់ៗជាតំបន់អទិភាពក្នុងការចុះផ្សព្វផ្សាយ ។ កិច្ចប្រជុំនេះដោយមាន ការចូលរួមពីប្រធាន អនុប្រធាននាយកដ្ឋាន ប្រធាន អនុប្រធានផ្នែក ប្រធានសាខា ប្រធានមន្ត្រីឥណទាន នៅសាលប្រជុំការិយាល័យកណ្ដាលនៃគ្រឹះស្ថាន ។
ឆ្លៀតក្នុងឱកាសនេះដែរ លោក កន វិចិត្រ បានធ្វើការកោតសសើរចំពោះការខិតខំប្រឹងប្រែងនៃនាយកដ្ឋាននីមួយៗ ដែលបានព្យាយាមបំពេញនូវកិច្ចការងារយ៉ាងល្អប្រសើរក្នុងការអភិវឌ្ឍន៍គ្រឹះស្ថានឱ្យកាន់តែរីកចម្រើនជានិរន្តរ៍។
ជាកិច្ចបញ្ចប់ និងជាថ្មីម្ដងទៀតលោក កន វិចិត្រ មានមតិយោបល់បន្ថែមក្នុងការណែនាំ និងលើកទឹកចិត្តដល់គណៈគ្រប់គ្រងដែលបានចូលរួមប្រជុំនេះ ត្រូវខិតខំពង្រឹងដោយមានសហប្រតិបត្តិការនានាក្នុងដឹកនាំគ្រឹះស្ថានបន្តឱ្យមានការរីកចម្រើនទៅមុខទៀត និងលោកអនុប្រធានបានជូនពរដល់ ប្រធាន អនុប្រធាននាយកដ្ឋាន ប្រធាន អនុប្រធានផ្នែក ប្រធានសាខា ប្រធានមន្ត្រីឥណទានជាន់ខ្ពស់ ប្រធានមន្ត្រីឥណទាន នៅសាលប្រជុំការិយាល័យកណ្ដាលនៃគ្រឹះស្ថាន ដែលមានវត្តមានក្នុងកិច្ចប្រជុំនេះ ឱ្យប្រកបដោយភាពជោគជ័យគ្រប់ភារកិច្ច ហើយសូមប្រកបទៅដោយពុទ្ធពរទាំង៤ប្រការ គឺ អាយុ វណ្ណៈ សុខៈ និងពលៈ ជានិច្ចជានិរន្តរ៍ ។